Hromadnik tic c ent_wr:Dria. exnclwik te 18% 1a5Ny bnod
| Hromadnik Döhlener Berg | |||
|---|---|---|---|
| |||
| wysokosć | 514 m | ||
| kraj | Sakska, Němska | ||
| masiw | Hornjołužiske horiny | ||
| |||
Hromadnik (němsce tež Döhlener Berg) je 514 metrow wysoka hora w Hornjej Łužicy, kotraž słuša k Čornobóskeho rjećaza.
Geografija[wobdźěłać | žórłowy tekst wobdźěłać]
Hora namaka so dźewjeć kilometrow juhowuchodnje Budyšina w prěnim (najsewjernišim) rjećazu Hornjołužiskich horin a twori zapadny wukónc Čornobóskeho masiwa. Pod Hromadnikom leža na sewjeru wjeski Rachlow, Delany, Splósk a Chójnica, na zapadźe Kózły a na juhu Kumwałdski doł.
Hromadnik je městno wšelakorych powědančkow, při čimž hraje tež tak mjenowana woporna škla mjez wjerškomaj Hromadnika a Čornoboha wěstu rólu. Tež mjeno hory so na mytisku słowjansku zašłosć jako pozdatne hromadźišćo poćahuje, njeje pak historiske, ale – kaž mjenje Čornobóh a Běłobóh – wumyslenka z doby romantiki.
Na wjeršku hory namakaja so skały, kotrež so mjez druhim za krosnowanje wužiwaja. Předewšěm na zapadnych skłoninach Hromadnika wudobywachu z wjacorych małych skałow kamjeniznu, wosebje zornowc.
Dla połoženja při zapadnym kóncu hórskeho rjećaza je Hromadnik na dešćach bohaty a žórlišćo wjele małych rěčkow.
Přez Čornobóh a Hromadnik běži dalokopućowanska šćežka němskeje jednoty Zhorjelc–Aachen.
Žórło[wobdźěłać | žórłowy tekst wobdźěłać]
- Theodor Schütze: Zwischen Strohmberg, Czorneboh und Kottmar (= Werte unserer Heimat. Zwjazk 24). 1. nakład. Akademie Verlag, Berlin 1974, str. 83.
Wotkaz[wobdźěłać | žórłowy tekst wobdźěłać]
Commons: Hromadnik – Zběrka wobrazow, widejow a awdiodatajow
